Tryggingamiðlun Íslands er þessa dagana að flytja í stærra húsnæði í Hlíðasmára 11, 4 hæð. TMÍ hefur síðan 1999 haft höfuðstöðvar sínar í Síðumúla 21 en mun opna í Hlíðasmáranum 20. desember næstkomandi. Lokað verður þann 19 desember vegna flutninga en við stefnum að því að opna aftur í Hlíðasmáranum þann 20. desember kl 10:00

TMÍ og Securitas hafa hafið samstarf um sölu TMÍ á heimavörnum Securitas. Er þetta liður TMÍ í að stuðla að auknum forvörnum enda eru forvarnir náskildar vátryggingum og eiga þessir hlutir góða samleið.

Í forystu í rúman aldarfjórðung
Securitas var stofnað árið 1979. Fyrstu verkefnin voru öryggisgæsla fyrir ýmsa aðila í Smiðjuhverfinu í Kópavogi. Síðar var stofnuð ræstingaþjónusta Securitas og sinnti félagið þessum tveimur sviðum til ársins 1999 þegar ræstingaþjónustan var seld. Nú eru starfsmenn Securitas um 400 og þjóna þeir þúsundum viðskiptavina, þar af flestum af stærstu fyrirtækjum landsins.

Á höfuðborgarsvæðinu og á Akureyri er farandgæsla og aka bílar Securitas um svæðið allan sólarhringinn. Þá sér fyrirtækið um staðbundna gæslu fyrir fjölda fyrirtækja og stofnana. Öryggisgæsla Securitas nær til allra þátta öryggismála. Félagið býður varnir og eftirlit við bruna, vatnstjón, innbrot, kemur fyrir vöruverndarhliðum og myndavélum í fyrirtækjum og stofnunum. Securitas er leiðandi fyrirtæki sem vinnur forvarnarstarf með það að markmiði að auka öryggi viðskiptavina sinna og koma í veg fyrir að þeir verði fyrir tjóni.

Tryggingaþjónusta fyrir einstaklinga og fyrirtæki

Ávinningur þinn af því að vera í tryggingaþjónustu TMÍ er eftirfarandi:

• Ráðgjafi TMÍ fer yfir iðgjöldin þín árlega og aðstoðar við öflun tilboða frá öðrum tryggingafélögum í tryggingarnar þínar.
• Ráðgjafi leggur mat á hvaða tilboð hentar best þínum hagsmunum.
• Ráðgjafi fer reglulega yfir tryggingarnar þínar og uppfærir þær miðað við núverandi þarfir.
• Ókeypis tjónaráðgjöf ef tjónsatburður á sér stað.
• Aðstoð við að fá aðgang að lögfræðingi ef þú þarft á lögfræðingi að halda vegna tjónsatburðar.
• Þú hefur þinn persónulega ráðgjafa sem þú getur leitað til.
• Afsláttur hjá Vöku hf og BabySam af vörum og þjónustu.

Um okkur:

• Tryggingamiðlun Íslands er stofnuð árið 1997 og er því ein elsta vátryggingamiðlun landsins.
• Hjá TMÍ starfa ráðgjafar sem hafa margir hverjir áratuga reynslu af vátryggingastarfsemi.
• TMÍ er í samstarfi við tryggingafélög í sex löndum í líftrygginga-, skaðatrygginga og lífeyrisstarfsemi.

Tryggðu þér áhyggjulaust ævikvöld.

Hluti af Axa Life og Friends Provident hafa sameinast undir nafninu Friends Life. Allir íslenskir Axa Sun Life samningar eru undir þessum hluta. Breytingin hefur engin áhrif á þá samninga sem eru í gangi hjá íslenskum viðskiptavinum en þjónustan verður nú í höndum Friends Life.

Friends Life er breski hluti Friends Provident samsteypunnar en Friends Provident International hefur verið starfandi á íslenska markaðnum undanfarin 16 ár og eru með tugi þúsunda viðskiptavina á Íslandi.

Heimasíða Friends Life er http://info.friendslife.co.uk

Endilega hafið samband við okkur ef ykkur vantar fleiri upplýsingar.

Tryggingamiðlun Íslands hefur hafið sölu á vátryggingum fyrir Alpha Insurance A/S gegnum íslenskan umboðsaðila félagsins sem heitir Alþjóða vátryggingaumboðið ehf.
Fyrst um sinn mun Alpha bjóða upp á allar hefðbundnar eignatryggingar, svo sem bifreiðatryggingar, heimilis og brunatryggingar.

Alpha Group er danskt tryggingafélag með höfðustöðvar í Kaupmannahöfn og á og rekur vátryggingarfélögin NEMI í Noregi, COSA í Svíþjóð og GAIA í Danmörku.

ALÞJÓÐA VÁTRYGGINGARUMBOÐIÐ ehf., er aðalumboðsmaður ALPHA INSURANCE a/s á Íslandi með aðsetur Hverfisgötu 46, 101 Reykjavík, sími 444-3400, fax 511-5116. Heimasíða félagsins er www.alphais.is

Hjá Tryggingamiðlun starfa 26 karlmenn sem eru núna allir að safna mottum. Endilega heitið á karlmennina í liðakeppninni á mottumars.is með því að senda smsið 1099 á símanúmerið 9020001. Með því styrkið þið krabbameinsfélagið um 1000 kr og eruð í leiðinni að hjálpa TMÍ í liðakeppninni.

Sigurvegarar í ábendingahappdrætti TMÍ voru dregnir út í dag, 20 desember 2010.

Þeir eru eftirfarandi:

Stefanía Auðbjörg Halldórsdóttir – Flug fyrir tvo til New York.
Magnús Már Þorvaldsson – Út að borða á Argentínu fyrir 25.000 kr

Andri Már Einarsson – 5.000 kr gjafabréf í Kringlunni
Finnur Þorgeirsson – 5.000 kr gjafabréf í Kringlunni
Þorsteinn Vilberg Þórisson – 5.000 kr gjafabréf í Kringlunni
Atli Jónsson – 5.000 kr gjafabréf í Kringlunni
Pálína Vigdís Sigtryggsdóttir – 5.000 kr gjafabréf í Kringlunni
Daði Snær – 5.000 kr gjafabréf í Kringlunni
Hafdís Ármannsdóttir – 5.000 kr gjafabréf í Kringlunni
Berglind Petra Jóhannsdóttir – 5.000 kr gjafabréf í Kringlunni

Óskum sigurvegurunum innilega til hamingju og gleðilegra jóla.

Starfsfólk TMÍ

FÍA hefur til margra ára boðið félagsmönnum sínum skírteinistryggingar frá Hiscox, sem er leiðandi félag í þessum tryggingum.

Nú hefur TMI að Siðumúla 21 tekið við veitingu þessarar þjónustu

Frekari upplýsingar veitir Davíð Jónsson, david@tmi.is og gsm 820-2142

Nýverið úrskurðaði Yfirskattanefnd að skattleggja skyldi bætur úr sjúkdómatryggingu.
Hingað til hefur túlkun á lögum um tekjuskatt nr. 90/2003 verið á þann veg að bætur úr sjúkdómatryggingu teljist ekki til skattskyldra tekna og er þessi úrskurður því óvæntur.
Í framhaldi þessa úrskurðar óskuðu Samtök fjármálafyrirtækja (SFF) eftir því við Fjármálaráðuneytið að gerðar yrðu breytingar á lögum um tekjuskatt nr. 90/2003 til að taka af allan vafa um að eingreiðslubætur úr sjúkdómatryggingu skulu vera undanþegnar tekjuskatti.
Hefur Fjármálaráðuneytið nú hafnað kröfu SFF um breytingar á lögum og jafnframt lýst sig sammála niðurstöðu Yfirskattanefndar.
Úrskurður skattstjóra Reykjanesumdæmis er nú til meðhöndlunar hjá dómstólum en á meðan málsmeðferð
stendur yfir vill TMÍ benda viðskiptavinum á að bætur úr sjúkdómatryggingu eru samkvæmt framangreindum úrskurði tekjuskattsskyldar.
Gildir það þar til dómstólar dæma annað eða lögum verður breytt.

TMI hefur nú verið starfrækt í 10 ár

Í júní á þessu ári voru tíu ár liðin frá stofnun Tryggingamiðlunar Íslands ehf, sem er ein elsta starfandi vátryggingamiðlun landsins. TMÍ hefur frá öndverðu miðlað til bresku líftryggingafélaganna Friends Provident og Sunlife.

Framkvæmdastjóri og eigandi Tryggingamiðlunar Íslands ehf. er Karl Jónsson, löggildur vátryggingamiðlari. Karl hefur einnig réttindi til verðbréfamiðlunar. Hann hefur 30 ára starfsreynslu sem bankastarfsmaður, 20 ára reynslu sem útibússtjóri og nú 10 ára starfsreynslu sem framkvæmdastjóri Tryggingamiðlunar Íslands.

Tryggingamiðlun Íslands býður m.a. upp á líf- og söfnunartryggingar, sjúkdómatryggingar, slysatryggingar, fjárfestatryggingar, ferðatryggingar, eignatryggingar, fyrirtækjatryggingar og lífeyrissparnað.

Hjá fyrirtækinu starfa 15 starfmenn.